من أكبر الفخاخ لي شفت في التعليم العالي في المغرب هو licence d'université (licence universitaire) لي تات قراها فجامعة أو مدرسة عليا عمومية فالويكاند أو بالليل أو الوقت العادي و لكن بالفلوس !!!
سبحان الله ما تاتقبلش فالليسانس العادية (ديال الدولة) و تي جي أستاذ جامعي و ينصحك بكل "براءة" بإجازة جامعية ب 30000 درهم العام (كاين ب 15000 كاين 45000 و تا 35000 درهم).
المشكل ماشي أنه ماشي نفس الليسنس لي ما تقبلتيش فيها. المصيبة هي أنه ماشي ديبلوم أصلا !!! مجرد شهادة !!!
نتافقو !!! ما تان هضرش على ديبلوم ديال الدولة لي فابور ...
و طبيعي تخربق منين تقرا هادشي. أصلا لي تي بيع ليك هاد المنتوج "التعليمي" تي لعب على مغالطات !
مثلا تي قول ليك هاد الديبلوم معتمد !!! هو أصلا ما تابع لتا وزارة كي درتي لها ... (معتمد غي من الجامعة نيت هههه ماشي الوزارة).
الدليل على أن وزارة التعليم العالي عارفة هاد المشكل هو أن الوزير العام لي فات صيفط مذكرة للجامعات و مدارس الدولة قال لهم ... ما تسميوش داكشي "ديبلوم جامعي" ... صافي
معلومة : هاد الشهادة لي مسمينها "ليسنس جامعية" ما تقبلهاش وزارة التعليم العالي تا باش تكمل بها ماستر بريفي !!!
المهم ... اللهم إني قد بلغت ... و ما بغيتش نذكر أسماء مدارس أو جامعات ... ولكن غي يقوليك غات خلص عرف أنه حسن ليك تخلص ديبلوم تابع للوزارة ماشي Formation continue و شكرا.
H-Galo
